Seducing Mr. Look-a-Like
By: CatchMe
Chapter 20
Busy sa kakatipa ang dalaga ng mag ring ang teleponong nasa kanyang mesa. Inabot niya ito at inipit sa pagitan ng kanyang tenga at balikat habang patuloy sa pag titipa sa kanyang laptop.
"Monte--"
"A cup of coffee please.."
Salubong kaagad ng sa kabilang linya. Napilitan na lamang na huminto ang dalaga sa kanyang ginagawa at tinungo ang maliit na kusina. Panaka-naka'y tumitingin siya sa labas ng pintuan ng maisip nanamang lagyan ng laway ang kape ng mahal niyang binata.
Pero bigla naman siyang natigilan at tila nakukunsinsya. "Hmp! Huwag nalang. Baka kakarmahin pa ako. Kung talagang mamahalin ako ni papa Trance, ay mamahalin niya ako ng kusa. Pangit namang lawayan ko ulit ang coffee niya. Ha-y.. Ang sama ko talaga, ganun na ba ako ka disperada? Besides, may kasintahan na yata si papa Trance. Huhuhu! Ang saklap naman nitong natamo ng pag-ibig ko.." malungkot na wika ng dalaga sa sarili habang hinahaluan ng asukal ang kape para sa mahal niyang binata.
"Papa, sana ako nalang mahalin mo. Iwanan mo nalang kaya ang babaeng kasama mo kagabi at ako nalang ang ipalit mo papa, pleeeeaaaasssseee..!!" nag eemote nanamang napabuntong hininga ang disperadang dalaga.
"Pero bakit ganito? Mabait naman ako 'ah? Bakit inulan na yata ako ng problema? Lord, huwag ka namang ganyan. Wala naman akong kasalanan diba? Siguro, ang panggagayuma ko lang kay papa Trance ang kasalanan ko. Yun lang naman 'eh. Pero bakit niyo pa siya inilayo sa akin? Bakit mo ibinigay si papa Trance sa ibang babae? Bakit Lord? Hindi mo ba ako love? Hahayaan mo ba akong magpakasal sa lalaking sinasabi ni papa na magiging asawa ko? No, Lord. Please, wala naman sanang ganyanan 'uh.. Hindi ko na to keribols. Dapat sa akin lang talaga si papa ko Trance. Ayaw ko dun kay Mr. Garcia.. Ayaw ko po lord, please ayaw---"
"Uy! May tawag ka sa phone mo Cher."
Putol ni Jonalyn sa nag iinarteng pag iisip ng dalaga. Nagtataka namang lumapit si Cher hawak ang tinimplang kape para sa kanyang mahal na binata.
"Sino daw?"
"Robert daw."
"Ano?! Nyay naman 'uh. Dadagdag pa ang isang 'yun." inis na wika ng dalagang sumunod kay Jonalyn. Agad niyang sinagot ang telepono ng makarating sa kanyang cubicle.
"Hi, morning." bati niyang pilit na pinasaya ang boses. Mahirap na at baka magsumbong sa kuya Noel niyang pinagsusupladahan niya ito. At tiyak niyang uulan nanaman ng mga panibagong suitors para sa kanya. "Kainis naman itong si Kuya 'uh. Bakit kasi kung kani-kanino ako nirereto. Ha-y.."
"Musta kana my love?"
"Yuck! My love-in mo yang face mo!" sigaw ng utak niyang inilayo ang hawak na telepono sa kanyang tenga ng nakangiwi pa.
"My love? Andiyan kapa ba?"
"Waahhh!!! Ayokong magsalita! Huwag mo akong matawag tawag na my love at gigiliitin ko yang leeg mo!" kumikibot-kibot ang labing wika ng dalaga. Ngunit wala namang boses na lumalabas sa kanyang labi.
"Hello? Hello?" ulit ng binatang nasa kabilang linya.
"Yes? Hello? Hello, Robert? Hindi kita marinig. Chappy ka yata." ani na lamang niya dito. Kahit ang totoo ay inilayo niya lamang ang hawak na aparato.
"Susunduin kita mamaya my love?"
"Yuck!" nandidiring reaksyon ng dalaga na pigil-pigil ang mapa-duwal sa sinabi ng binata.
"Chappy ka talaga Robert. Hindi kita naririnig. Hello? Hello? Andyan kapa ba? Wala akong naririnig." muling sambit ng dalagang napakamot sa ulo.
Hindi na niya pinapakinggan ang pinagsasabi ng nasa kabilang linya ng biglang napangiti sa naisip. "Hmmm why not? Best actress yata ako. Tsaka nanalo pa yata akong dramatist of the year 'nung elementary pa ako 'ah. Masubukan nga ulit ang aking talent.."
Medyo inilayo niya ang aparato sa kanyang baba at mahinang nagsalita ng..
"Tot, tot, tot, tot." pag aarte niya at ginaya ang operator na nagsasalita sa telepono. "The number you are calling is now unattended. The number you are calling is now unattended." ani pa niya hanggang sa ibaba na lamang ng binatang nasa kabilang linya ang telepono. "Huh! Ang kulit!" napabuga ng hanging sambit ng dalaga at ibinaba na rin ang hawak na aparatong natatawa. Kinuha muli niya ang kapeng nasa kanyang mesa para sa kanyang amo.
Hahakbang na sana siya papasok sa private room ng presidente ng biglang may dumating na delivery boy.
"Ms. Cher Arnaiz?"
Napakunot ang noong muling binalik ng dalaga ang hawak na kape sa kanyang table. "Yes? Ako po 'yun kuya. Bakit po?" nagtatakang lumapit siya dito.
"Deliveries for you ma'am." magalang na sagot nitong inabot ang boquet ng bulaklak at mamahaling cartoon ng chocolates na Godiva at Chocopologie.
"Ha? Sigurado kang sa akin ito?" naninigurong tanong ng dalaga ng magsilapitan sina Karen at Michelle.
"Wow! Flowers and chocolates?" sabay na sambit ng dalawang nanalaki ang mga mata. Na tila naglalaway sa inaabot na chocolates ng delivery boy.
"Yes ma'am. For Cher Arnaiz, galing kay Mr. Vince Garcia." ano nitong inilahad ang hawak na bulaklak at tsokolate sa dalaga.
"Si Vince? Paano naman nito nalamang dito ako nagtatrabaho?" ani niyang tiningnan lamang ang inaabot ng delivery boy. "Sinabi siguro ni papa."
"Sissy, kunin mo na." si Michelle na excited na nakatingin sa chocolate.
"Oo nga naman girl, tsaka bigyan mo ako ng chocolate ha?" birong siko naman ni Karen.
"Ano ba kayo? Parang choc0lates lang 'eh, naglalaway kaagad kayo." mahinang sita niya sa mga kaibigan.
"Aba! Hindi lang kaya basta basta chocolates yan. Di mo ba alam kung magkano ang piraso niyang Godavi?" si Karen.
"Bakit? Magkano ba yan ha?" ani niyang inabot na rin boquet at chocolates mula sa delivery boy.
"Well, nagkakahalaga lang naman yan ng $117." sambit ni Karen.
"What? As in one hundred seventen U.S dollar?" mulagat ang matang reaksyon ng dalaga.
"Korak! Kaya't share mo naman ang blessings mo na 'yan," excited na muling wika ni Karen.
"Teka nga, sandali lang." at binalingan niya ang delivery boy. "Thank you po, kuya. Ito, sayo nalang ang flowers. Bigay niyo po sa misis niyo" balik niya sa bulaklak sa delivery boy.
"Naku ma'am, wala pa po akong asawa." natatawang sagot nito.
"Ay, wala ba? Pero nobya meron?" hirit pa ni Cher.
Nahihiya namang tumango ang kaharap. "Tanggapin mo na ito, bigay mo sa girlfriend mo para mas lalo kang mahalin." biro niyang binuksan ang box ng Godiva. "Ito pa, dagdag mo na ito." abot niya sa chocolate dito.
"Naku ma'am, baka pagahalitan na po ako ng sender nito?"
"Bakit ka pagagalitan? Eh ako naman nagbigay sayo niyan ah? Sige na, tanggapin mo na. Yan nalang ang tip ko sayo kasi wala pa akong sahod." muling biro niyang ikinatawa ng kaharap at ng dalawang kaibigan.
Nahihiya man ay napilitan na ring tanggapin ng delivery boy ang kanyang binigay at nagpasalamat. Tsaka umalis na rin ito agad.
"Bongga ka sissy ah? As in ganito ka rich ang suitors mo?" agad na wika ni Michelle na sumunod sa kanya kasama si Karen papunta sa kanyang cubicle
"I told you, di ko na kailangang mag hire ng lalaki, dahil marami naman talagang nababaliw sa alindog ko." natatawa niyang wika dito.
"Wow! Hanep, ang taas naman ng self esteem mo girl." natatawang biro ni Karen. "Pero, bakit mo binigay ang bulaklak sa delivery boy?"
"Oo nga sissy. Alam mo bang pwede na sana nating gamitin yun para pagselosin si papa Trance." segunda rin ni Michelle.
"Yan din naisip ko kanina 'eh." wika ni Karen. "Nahihiya lang akong pigilan ka kanina kasi baka mapahiya 'yung delivery boy."
"Hay.." napabuntong hiningang sambit ng dalaga sa dalawa. "Hindi na kailangan.. Hindi na eepekto ang law natin mga sister."
"Ha? Bakit?" sabay na wika ng dalawang dalaga.
"Kasi, may kasintahan na pala si papa ko Trance." malungkot ang mukhang sagot niya sa dalawang hindi makapaniwala.
Tumayo ang binata sa kanyang chivel chair. Hindi na siya makapaghintay na makapasok ang sekretarya sa private room ng presidente. Siya na lamang ang lalabas para masilayan kaagad ang mukha ng dalaga. Pagkabukas ng pintuan, ay hindi niya naituloy ang paghakbang papalabas ng pinto. Bagkos ay muli niyang isinara ng bahagya at sinilip ang nangyayari sa labas.
Ang dalagang dahilan ng hindi niya pagkatulog kagabi ay may special delivery? "Saan kaya nanggaling ang bulaklak na 'yun? At may chocolate pa?" bulong niya sa sariling sinisilip pa rin sa siwang ng pinto ang dalaga sa labas.
