Seducing Mr. Look-a-like Chapter 22

Seducing Mr. Look-a-Like
By: CatchMe

Chapter 22

GANUN na lamang ang pananamlay ng binata ng hindi makita ang anino ng dalaga sa harap ng elevator. Mabigat ang mga hakbang na tinungo na lamang niya ang elevator at naghintay. Maya-maya pa ay bumukas na ito. Agad siyang pumasok na hungkag ang pakiramdam.


Kakalabas lang ni Cher ng elevator. Mag isa nanaman siyang bumaba dahil nag paiwan pa muna sina Michelle at Karen. Marahan siyang humahakbang ng manlaki ang kanyang mga mata ng makita ang kanyang manliligaw na si Robert sa lobby ng kompanya.


"Nyay! Anong ginagawa ng isang 'yan dito?" ani niyang mabilis na bumalik sa kanyang pinanggalingan. "Minamalas nanaman ako 'uh. Hanggang dito ba naman ay naamoy pa ako ng lalaking 'yan?" inis na kausap niya sarili. Nagkubli muna siya malapit sa elevator at nag isip kung paano makaiwas sa binatang manliligaw.


"Bahala na." ani niyang humakbang paiwas sa binata. Bahagya pa niyang iniyuko ang ulo at medyo itinaas ang hawak na bag at nag kukunyaring may tinitingnan sa bag nito. Inilagay pa niya ang mahabang buhok sa harapan para hindi nito mapuna ang kanyang mukha. Palapit ng palapit na siya sa binatang manliligaw ng bigla mapahinto ng marinig ang pamilyar na boses sa kanyang likuran. "Shooting star!" Pahamak talaga itong si papa Trance 'uh." inis niyang itinaas ang kanyang mukha.


"Cher!"


"Nyay!" nakangiwing napaharap siya sa binatang manliligaw ng mabilis itong lumapit sa kanya. Habang sa likod naman niya ay papalapit naman ang kanyang papa Trance na magkasalubong ang magandang korte ng kilay nito na tinawag din ang pangalan niya.


"Sino nanaman ang asungot na 'to?" mainit ang dugong wika ni Trance sa sarili habang humakbang palapit sa dalagang may kaharap na binata. Syempre, hindi naman siya magpapatalo sa asungot. Sa nakikita niyang ekpresyon ng mukha ng dalaga ay parang umiiwas ito sa binatang asungot! Aba! Pagkakataon na yata niya para iligtas ang kanyang sekretaryang may saltik sa isang asungot.


"Cher--"


"Cher--"


Panabay pang sambit ng dalawa.


"Robert.. Naligaw ka yata?" napilitang kinausap na lamang ng dalaga ang kanyang manliligaw. Lihim pa siyang napangiwi ng maramdamang may tumabi sa kanya. Ng itaas niya ang paningin ay nagtataka ang mga matang tiningnan niya ang kanyang papa Trance. Tila nagtatanong ang kanyang mga mata kung anong ibig sabihin nito sa pag tabi sa kanya.


"Ahm, Tumawag ako kanina sayo. May sira yata ang linya mo kaya di mo narinig ang sinabi ko. So pinuntahan nalang kita dito to invite you for a--"


"Excuse me?" biglang putol ni Trance sa binata. "She's not going with you. Cause we already set our date for tonight. Right honey?" matamis ang ngiting inakbayan ng binata ang natulalang dalaga.


"My god! Ano bang pinagsasabi ni papa Trance? May saltik na yata ito? Oh my holy gulay! Thank you lord. For showering me this kind of blessings." lihim niyang panalangin na hindi pa rin natanggal ang pagkasalubong ng kanyang kilay na nakaharap sa kanyang papa Trance.


"What do you mean?" takang tanong ni Robert na palipat-lipat ang tingin sa kaharap na binata at nili-ligawang dalaga na si Cher. "Are you a-- couple?" dagdag pa nito ng akbayan ng binata si Cher na hindi naman pumalag.


"Yes. You've got it pare. At kung ako ikaw, maghanap ka nalang ng liligawan mo dahil pag aari ko na ang liligawan mo sana." mababa ang tunong sagot ng binata na ina-akbayan pa rin ang dalaga.


"Is it true Cher?" si Robert na naghihintay ng kumpirmasyon mula sa dalagang hindi nakapagsalita.


"Ha? Ah.. O-oo. Oo, Robert. Tama ang narinig mo. Kasintahan ko nga si-- siya." nag aalinlangang sagot naman ng dalagang ipinulupot pa ang mga braso sa beywang ng binata. "Yay! As in, feel na feel ko talaga? Hahahaha!! Ay so lab it papa Trance. Sana real nalang na tayo na. Ayieehhh!"


"You heared her right?" muling sambit ni Trance na pinulupot rin ang matigas na kanang braso sa maliit na bewang ng dalaga. Naramdaman pa niya ng biglang napapitlag ang dalaga ng lihim niyang dinama ang maliit na bewang nito. Pinukol siya nito ng nagbabantang tingin, pero ginantihan na lamang niya ito ng matamis na ngiti at ibinalik ang paningin sa binatang kaharap nila.


"I though---"


"Your thought is wrong!" agaw ni Trance sa sasabihin pa sana ng binata. "Alam kong inakala mo rin na walang boyfriend ang honey ko." ani pa niyang pinagdidiinan ang salitang honey. "Pasinsya kana pare ha? Minsan kasi napa ka naughty nitong honey ko. She keep telling other people that she don't have a boyfriend. But the truth is, she already had. And that's no other than, yours truly."


Biglang nakaramdam ng inis ang dalaga sa pinagsasabi ng binatang nakapulupot ang braso sa kanya. "At pinapalabas pang hindi ako kuntinto sa kanya?! I mean, wala akong ka kuntintohan sa lalaki? Parang pinapalabas pang uhaw ako sa lalaki? At gumawa pa ng sariling kwento?" sambit ng dalaga sa sariling kinurot ang likod ng binata.


"Ouch! What?" napaigtad na wika ni Trance. Instead na sagutin siya ng dalaga ay tinaasan lamang siya nito ng kilay.


"Oh I'm sorry. I did'nt know. By the way, I'll go ahead. And sorry for disturbing both of you." si Robert ng makabawi sa pagkabigla.


"Yeah sure! No worries pare." nakangising sagot ni Trance.


"Cher, I'll go ahead." baling nito sa dalaga.


"S-sige Robert. Ingat ka.." pilit ang ngiting sambit ng dalaga ng akma ng talikuran sila ng kanyang manliligaw.


"Goodluck pare." pahabol namang saad ni Trance na ikina-baling ng binatang si Robert sa kanila.


Nagtatanong ang mga matang naghihintay ng sagot sa sinabi ng binatang kasintahan ng kanyang nililigawan. Samantalang pinanlakihan ng mata ng dalaga ang katabing pinapangarap na binata na naka ngisi pa rin ang mukha.


"Ang ibig niyang sabihin, ay ingat ka rin Robert." siya na ang kusang nag-paliwanag sa manliligaw.


"Hindi naman 'yan ang ibig kong sabi-- ouch!" biglang sambit ulit ni Trance ng muling kinurot ng dalaga ang kanyang likod.


Napatango na lamang ng wala sa oras ang binata at sinang-ayunan ang sinabi ng dalaga. Bigla siyang napangiti ng makaisip ng ganti sa pangungurot ng dalaga sa kanya. Bigla niyang hinapit padikit sa kanyang katawan ang katawan ng dalagang sekretarya. Dahilan para mag galawan ang bagang ng binatang manliligaw nito. Napatalikod na lamang sa kanila ng wala sa oras ang binata na tuloy tuloy na humakbang palabas ng building.


"Bitawan mo nga ako!" tulak ni Cher sa nabiglang binata. "Kung makapulupot 'yang kamay mo, 'eh daig mo pa ang sawa! Hindi ka na nahiyang maraming tao dito sa lobby ng kompanya?" nakataas ang kilay na wika ni Cher. Habang ang binata naman nakangising tila nanalo sa Jueteng.


"Ganyan ka ba mag pa thank you sa akin, honey?"


"Wahh!? honey?!" nanlaki ang matang ulit ng dalaga. "Hoy, Mr. De Vera--"


"Hep! Hep!" pigil ng binatang hinawakan siya sa kamay. "Wil you please, zip your mouth kahit ngayon lang? Tsaka, may utang ka pa sa akin. Kaya kailangan mo akong--"


"Excuse me!" agaw naman ng dalagang binawi ang mga kamay buhat sa pagkakahawak ng binata. "Huwag kang mag alala at babayaran ko ang pag pagawa mo sa kotse ko. Kaya ibigay mo na sa akin ang resibo para alam ko kung magkano ang utang ko sayo. Mahirap ng maipakulong mo pa ako."


Hindi muna nagsalita ang binatang tinitigan ang dalaga. Maya-maya pa ay basta na lamang niya itong hinawakan sa kamay. Hinila niya ito palabas ng building ng kanilang kompanya patungo sa kotse ng dalaga.